NEDRE ELLER YTRE EKNES

Hosanger: G.nr 64.     Lindås G.nr. 239 B.nr. 7

Svaena
Svao, bruk nr. 7, er utskild  frå bruk nr. 1.
Nils Toft eig bruket.
Opplysningane er henta frå:
Askild Eknes 
Digitalarkivet
Statsarkivet i Bergen
Jesus Christ of Latter-day Saints family search
Folk frå Eknes

Oversikt over bygselmenn og eigarar på Svaena

Askild Askildsen 1868 - 1890 Mons Toft 1948 - 1976    
Nils Askildsen 1890 - 1923 Nils Magne Toft 1976 -    
Anders Nilsen 1923 - 1948        
 
Fyrste generasjon:
Askild Askildsen Eknes var fødd 15.07.1842 på Eknes. Foreldra var ungkar Askild Monsen Litlandstreet. Han budde på Fyllingen i Hamre frå 1848. Mor hans var jenta Kari Kristensdtr. Indre Eide. Ho tente på Nora Røysne hjå Nils Monsen. (Han vart kalla Gamle Røyse) og der vart so Askild fødd.
Nils Monsen var barnlaus, og han vart glad i denne farlause guten. Både mora og sonen fekk difor ha heimen sin der til ho døydde i 1868.
Det året bygsla Askild Askildsen ein lut av Utføret hans Jon Eriksen, Jo- Bruket. Der bygde han seg hus og gifte seg om våren med Inga Gudmundsdtr. Neraas, f. 1844. Ho var av gamal Hosangerætt, som ein kan fylgje attende 3 - 4 hundre år. Gudfaren hennar, Knut Gudmundsen var flutta frå Eide til Neraas i 1797.

Huset som Askild bygde i 1868, stod på, i dag, 2003, eigedomen til Petter Visted, Tua, eller Stølastykkjet som det heitte frå gamalt av. Det stod attmed storsteinen der. I dag, pr, 2003 er det fylt ut til parkeringsplass ved den steinen.

Askild og Inga fekk desse borna:

1. Kari Askildsdtr. f. 24.11.1868, g. omlag 1890 m. gbr. Nils Nilsen Store-Urdal. Dei budde på Soltveit, Alversund. Barnlause.

2. Nils Askildsen, f. 10.12.1869. g. 1889 m. Britha Andersdtr. Totland. Dei fekk Svaena.

3. Gudmund Askildsen, f. 1872, gifte seg med ei gardajente på Taule. Manger. Bonde.

4. Guri Askildsdtr. Ho hadde eit barn med Helge Ivarsen Askvik. Dei var ugifte. Barnet, Helga vaks opp hjå morfaren på Eknes.
I 1899gifte ho seg med steinarbeidar Gudmund, (eller Gabriel) Steffensen, Florvåg. Dei budde på Eknes i 1900, kjøpte sidan hus på Kronstad i Bergen.

I 1876 døydde Inga, og i 1878 gifte Askild seg att med syskenbarnet sitt, Synneva Jørgensdtr. Vasseltangen. d.e. f. 28.11.1841. Etter dette ekteskapet er der ein son Jørgen Askildsen, gift med Signy Monsdtr. Molvik. Dei kjøpte gard på Nedre Eikanger og budde der.

I 1897 kjøpte Askild stykkjet han før hadde bygsla hjå Jon Eriksen. Det var Mons Jonsen som eigde i 1897. Han kjøpte og ein lut til. Då vart han eigar av heile Utføret av Jo- Bruket og dertil ein lut av utmarka.
Askild sjølv tok ikkje skøytet. Det let han sonen få. Ved utskiftinga, som varte frå 1901 til 1905, fekk Askild garden sin nord på Svaena, og utmarka lagt i mot. Då flytte han husa dit og gjorde dei større.
Askild var eit jarn til å arbeide både som bygningsmann og endå meir som jord og steinarbeidar.
Han døydde Jonsokdag 1927. Kona døydde i 1920.


 
Hus
hold
Fornamn / Etternamn Midl. Bosted Kjønn Hush. status Yrke Siv.
St.
F. aar Fødested
1 Askild Askildsen   M Husfader Platsmand og bygningsmand E 1842 Hosanger
  Kari Askildsdtr.   K  Datter   Ug 1868 Hosanger
  Nils Askildsen   M Søn   Ug 1869 Hosanger
  Gudmund Askildsen   M Søn   Ug 1872 Hosanger
  Guri Askildsdtr.   K Datter   Ug 1874 Hosanger
  Ragnhilde Gudmundsdtr.   K Tjeneste Tjenestepige Ug 1839 Myking og Lindås
  Synneva Jørgensdtr.   K Tjeneste Tjenestepige Ug 1841 Hosanger



Andre generasjon
Nils Askildsen, f. 10.12.1869, vart i 1889 gift med Britha Andersdtr. Totland.
Dei budde hjå foreldra hans dei fyrste åra. Liksom faren var han mest støtt i arbeid med kva som baud seg. Helst med stein og vegarbeid.
Den nye garden sin på Svaena hyste han bra opp og rydda han bra.
Dei hadde desse borna:

1. Askild Nilsen, f. 1890. Gift og busett i Bergen.

2. Marta Nilsdtr., f. 1891. Gift med Rasmus Smørdal. Bur i
Amerika.
    Dei hadde i 1925 eit barn, Ella Mary Rasmussen Smørdal, f. 1921.
    Marta reiste bort i 1925. Mannen hennar reiste før.
    Desse hadde bupel i Bergen då dei reiste.

3. Inga Sofia Nilsdtr. f. 1893, d. 1909.

4. Anders Nilsen, f. 1895. Han fekk Svaena etter foreldra hans.

5. Ingeborg Mara Nilsdtr. f. 1897, d. 1913.

6. Edvard Nilsen, f. 1901, g. 1923 m. Karen Maria Nautnes, Herdla. Han var sjømann. Budde i Bergen.

Her er folketeljinga frå 1900.

 

Hush. Fornamn Etternamn Kjønn Bosatt Midlert. Bosatt Fam. status Siv. st. Yrke F. år F. Sted
1 Nils Askildsen Eknæs M F Voss Husfader G Veiarb. og gaardbruger 1870 Hosanger
  Britta Andersdtr. Eknæs K B   Husmoder G Gaardmandskone 1862 Hosanger
  Askild Nilsen Eknæs M B   Søn Ug Søn 1890 Hosanger
  Marta Nilsdtr. Eknæs K B   Datter Ug Datter 1891 Hosanger
  Inga Nilsdtr. Eknæs K B   Datter Ug Datter 1893 Hosanger
  Anders Nilsen Eknæs M B   Søn Ug Søn 1895 Hosanger
  Ingeborg Nilsdtr. Eknæs K B   Datter Ug Datter 1897 Hosanger

Dette var den eine husholdninga på bruket då. Som de ser var Nils på Voss. Han har Antakelegvis teke seg arbeid der.
Dei hadde den gongen korn, poteter og kreatur.

Her er dei to andre husholdningane på Svaena i 1900.

Hush. Namn Etternamn Kjønn Bosatt Midl. Bosatt Fam. stilling Siv. st. Yrke F- år F. sted
1 Askild Askildsen Eknæs M F Voss Husfader G Træ, stenarbeider og gårdbruger 1841 Hosanger
  Synneva Jørgensdtr. Eknæs K B   Husmoder G Husmoder 1840 Hosanger
  Helge Helgesen Askvik M B   Søn Ug Pleiesøn, uægte 1895 Hosanger
  Olaf. O. Eknæs M B     Ug Paa fatigvæsenet 1890 Bergen
1 Gabriel S. Eknæs M F Voss Husfader G Steinarbeider, Jernbanen 1877 Askøen
  Guri Askildsdtr. Eknæs K B   Husmoder G Husmoder 1873 Hosanger
  Olina Gabrielsdtr. Eknæs K B   Datter Ug Datter 1900 Hosanger

Dette er kårfolk og leigefolk.
Dei hadde ikkje dyr eller poteter/korn.

Tredje generasjon
Anders Nilsen, f. 1895, og Kona Olufina Mathilde Andersdtr. Nedre Tveit, Lindås, f. 1895, fekk garden i 1923.
Anders var i Amerika nokre år. Då første verdskrig braut ut, vart han utskriven og sendt til Frankrike. Han var med i fronten der.
Han kom levande frå krigen. Då kom han heim og tok over garden.
Anders tok inn bra med innmark, så der er no ei etter tilhøve midels jord.
Anders og Olufina (Fina) var barnlause.
I 1948 selde dei garden til Mons Toft.
Anders døydde i 1977. Fina i 1975.
Anders hadde kår i vestre stova i våningshuset på Svao til han døydde.

Fjerde generasjon
Mons Toft, f. 1909, g. 1940 m. Synneva Nilsdtr. Rong, Herdla, kjøpte bruket i 1948.
Dei kom då frå Eide, Kuhaugane, der dei hadde budd frå dei var gifte.
Mons og Synneva dreiv so garden til uti 1970 åra.
Mons og Synneva hadde desse borna.

1. Oddvar Monsen Toft, f. 1941. Ugift.  Døydde av hjartesvikt på 1990 talet.
Oddvar var sjømann av yrke. Budde heime hjå mora dei siste levaåra.

2. Nils Monsen Toft, f. 1943. Han fekk bruket etter foreldra hans.

3. Odd Magnar Monsen Toft, f. 1946, g. m. Mary Veland, Veland. Bur på Eknes. To born. Ei dotter og ein son.
Sjå bruk nr. 79 på Neregard.

Femte generasjon
Nils Magne Monsen Toft, f. 1943, g. m. Laila Askeland, Eikangervåg, fekk so bruket etter foreldra hans.
Bruket var då nedlagt. Nils og Laila bur på Eikangervåg hjå foreldra hennar.
Nils jobba hjå Georg Eknes frå den starta til den vart avvikla i våren 2002.
Sidan jobba han hjå Myhrens Jernindustri, Eikangervåg.

No i 2003 er det eldstesonen Helge, som brukar heimehuset til fritidsbustad.
Garden vert pr. 2003 slege av Ottar Bjørge, Eidsnes.

Dei har fleire born. Desse er:

1. Helge Toft, gift, fleire born.

2. Venke Toft, gift med Jan Sigurd Fyllingsnes. Fleire born. Bur i Knarvik.

3. Magne Toft, gift, fleire born. Bur i Knarvik.

4. Åge Toft, ugift, bur heime pr. 2004.
 

© Arild Myhr 2007     E-mail: soga-om-eknes@eknesvaag.net